Kwa mujibu wa Idara ya tarjama ya Shirika la Habari la Hawza, wimbi la maandamano ya kizazi cha Z limeenea katika nchi kadhaa za Ulaya, na Ufaransa imekuwa kitovu cha harakati hizi. Sambamba na maandamano ya wanafunzi na walimu nchini Ugiriki, serikali ya Ufaransa inajitahidi kutafuta jibu la kisiasa kwa hali hiyo na kuhakikisha usalama wa mikusanyiko ya waandamanaji.
Kizazi cha Z kimehamasika kwa kiwango kikubwa nchini Ufaransa, na pia katika nchi za Ugiriki, Hispania, Ureno na Italia. Jana, wanafunzi wa shule za sekondari pamoja na walimu mjini Athene na Thessaloniki, huku wakichochewa na maandamano yaliyofanyika nchini Ufaransa, waliingia mitaani kupinga gharama za maisha na hali ya shule.
Nchini Ufaransa, serikali inajaribu kutafuta jibu la kisiasa kwa hali hii. Waziri Mkuu wa Ufaransa, Sébastien Lecornu, amekutana na viongozi wa vyama vya kisiasa pamoja na mameya wa miji ya Paris, Lyon na Bordeaux.
Aidha, serikali inapanga kuweka hatua kubwa za kiusalama kwa ajili ya maandamano ya Jumamosi. Hatua hiyo inakuja wakati ambapo Rais wa Ufaransa, Emmanuel Macron, ametangaza kwamba mikusanyiko itakayoruhusiwa ni ile tu iliyoandaliwa na vyama vya kitaaluma na vyama vya wafanyakazi.
Maoni yako